Masa Adven Natal 2013

MASA ADVEN NATAL 2013

"GUSTI ALLAH RAWUH SARTA MAKUWON ANA ING ANTARA KITA"

Wekdal lumampah kanthi rikat. Natal sampun trontong-trontong ketingal nyelak. Natal badhé énggal kita pahargya. Kanggé mbiyantu pasawamuwan-pasamuwan nyamektaaken mangsa Advèn Natal punika, LPP Sinode ngaturaken buku punika. Buku ingkang wonten ing asta panjenengan punika dipun cawisaken déning LPP Sinode sesarengan kaliyan para kadang tunggil peladosan saking Bapelsin GKJ lan BPMSW GKI SW Jateng, sarta ingkang lelados ing bebadan-bebadan Kristen ingkang kawengku déning Sinode GKJ lan GKI. Awit pakaryan sesarengan punika, keparengna kawula ngaturaken agenging panuwun dhumateng:

• Pdt. Samuel Adi Perdana (Sekretaris Umum BPMSW GKI SW Jateng)
• Pdt. Simon Yulianto (Sekretaris Umum Bapelsin XXVI GKJ)
• Pdt. Erni Ratna Yunita (Bidang PWG Bapelsin XXVI GKJ)
• Pdt. Wahyudi Catur Basuki (Bidang PWG Bapelsin XXVI GKJ)
• Pdt. Guntur Wibisono (Departemen Pembangunan Jemaat BPMSW GKI Jateng)
• Bapak Hengky Christian (Departemen Pembangunan Jemaat BPMSW GKI Jateng)
• Pdt. Budi Raharjo (ketua STAK Marturia)
• Pdt. Robert W. Maarthin (pendeta Universitas - UKDW)
• Pdt. Toni Tampake (pendeta Kampus - UKSW)
• Pdt. Kristriyanto (staff pengajar UKS)
• Sdri. Askaria Tiaristhy (staff YAKKUM)
• Pdt. Fendi Susanto (pendeta RS Bethesda)
• Bapak Saptono (staff LP3S)

Sanadyan boten sedaya kanca-kanca punika rawuh, ananging kawula ngraosaken bombong awit tanggapanipun ingkang saé. Ing pirembagakan pecawisan buku punika, kawula netepaken jejer Mangsa Advèn Natal 2013: GUSTI ALLAH RAWUH SARTA MAKUWON ANA ING ANTARA KITA. Jejer punika katetepaken mawi tetimbangan jejer khotbah Dian Penuntun (GKI) lan Khotbah Jangkep (GKJ). Kanthi jejer punika, kawula ngajab tuwuhipun krenteg lan gregeting pasamuwan-pasamuwan tansah ngudi rawuhipun Gusti ing saben peladosan ingkang katindakaken. Kita pitados bilih Gusti Allah ingkang sampun rawuh ing jagad punika mboten naté nilar kita. Panjenenganipun punika Sang Imanuèl, Allah nunggil kaliyan kita. Mugi bahan punika saged mbiyantu kita mujudaken greget Natal ingkang kados mekaten ing papan peladosan kita piyambak-piyambak, kanthi sawab berkah lan panuntunipun Gusti.

Ngayogyakarta Hadiningrat, November 2013.

Sumber dari : www.gkj.or.id